ანკარაში მომხდარი ტერაქტისთვის პასუხისმგებლობა ქურთულმა დაჯგუფებამ აიღო. როგორც "ბიბისი" იტყობინება, დაჯგუფება "ქურთისტანის გათავისუფლების ქორებმა", რომელიც "ქურთისტანის მუშათა პარტიასთან" არის კავშირში, შესაბამისი განცხადება გაავრცელა.
დაჯგუფების ინფორმაციით, ტერაქტი გახდა პასუხი თურქეთის პრეზიდენტის რეჯეპ თაიპ ერდოღანის პოლიტიკაზე "თურქეთის ქურთისტანში".
მებრძოლები ასევე თურქეთს ახალი თავდასხმებით დაემუქრნენ.
17 თებერვალს ანკარას ცენტრში, პარლამენტის შენობის სიახლოვეს დანაღმული ავტომობილი აფეთქდა. შედეგად დაიღუპა 28 ადამიანი.
