საქართველოს პრემიერ-მინისტრი გიორგი კვირიკაშვილი "ფრონტერას" აღმასრულებელ დირექტორს სტივ ნიკანდროსს შეხვდა.
როგორც "ინტერპრესნიუსს" მთავრობის ადმინისტრაციიდან აცნობეს, საუბრის მთავარი თემები კომპანიის საქართველოში მუშაობის პერსპექტივები და თანამშრომლობის შემდგომი ნაბიჯები იყო.
მათივე ინფორმაციით, შეხვედრაზე განიხილეს, რა შეიძლება გააკეთოს დამატებით საქართველოს მთავრობამ, კომპანიის სამომავლო საქმიანობის ხელშესაწყობად.
ასევე, დაიგეგმა სამუშაო შეხვედრა "ფრონტერასთან" ენერგეტიკის სამინისტროს მონაწილეობით.
საქართველოს პრემიერ-მინისტრისა და "ფრონტერას" აღმასრულებელი დირექტორის შეხვედრა მთავრობის ადმინისტრაციაში გაიმართა.
