ის, რომ ჩვენ გვქონდა მცურავი გაცვლითი კურსი, ეს ძალიან დადებითია, - ამის შესაებ პრემიერ-მინისტრმა გიორგი კვირიკაშვილმა იმ კითხვის საპასუხოდ განაცხადა, თუ როგორ შეაფასებდა ბოლო 2 წლის განმავლობაში ეროვნული ბანკის პოლიტიკას.
რა შეეხება ინტერვენციების პოლიტიკას, გიორგი კვირიკაშვილის თქმით, ამასთან დაკავშირებით მას ჰქონდა გარკვეული კრიტიკული შენიშვნები.
"მე მგონი ეს კომპლექსური საკითხია. ძირითადში ის, რომ ჩვენ გვქონდა მცურავი კურსი, ეს არის ძალიან დადებითი. რაც შეეხება თვითონ ინტერვენციების პოლიტიკას, მე ამასთან დაკავშირებით მქონდა გარკვეული კრიტიკული შენიშვნები. არ მგონია, რომ ამ ფორმატში შესაძლებელი იყოს ამის განხილვა, თუმცა ის, რომ რეფინანსირების სესხები გაიცემოდა და გარკვეულწილად საბანკო სექტორს უბრუნდებოდა ის რესურსი, რომელიც სახაზინო ვალდებულებების სახით იყო ამოღებული საბანკო რესურსიდან, მე ამაში ცუდს ვერაფერს ვხედავ", - განაცხადა გიორგი კვირიკაშვილმა.
რაც შეეხება პრეზიდენტის მიერ ეროვნული ბანკის საბჭოს წევრობის კანდიდატად წარდგენილ კობა გვენეტაძეს, პრემიერ-მინისტრმა ამ ეტაპზე არნიშნულთან დაკავშირებით კომენტარისგან თავი შეიკავა, ვინაიდან აღნიშნა, რომ ის განხილვებში არ არის ჩართული.
გიორგი კვირიკაშვილი მიიჩნევს, რომ კანდიდატის შერჩევისას მთავრი კრიტერიუმები უნდა იყოს გამოცდილება, პროფესიონალიზმი და დამოუკიდებ;ლად გადაწყვეტილებების მიღენის უნარი.
