თიბისი ბანკის გენერალური დირექტორის ვახტანგ ბუცხრიკიძის განცხადებით, თუ გარე ფაქტორები ზეგავლენას არ მოახდენს ფუნდამენტურ მაჩვენებლებზე, წელს ლარის კურსი საკმაოდ სტაბილური უნდა იყოს.
როგორც ბუცხრიკიძემ სასტუმრო „რედისონში“ ბიზნესასოციაციის წევრებისა და პრემიერ-მინისტრის შეხვედრის დაწყებამდე ჟურნალისტებს განუცხადა, წლის პირველი კვარტალი - საუბარია იანვარ-თებერვალზე, ყოველთვის უფრო რთულია.
„ეს სეზონიც უკვე დასასრულს უახლოვდება. აქედან გამომდინარე, ჩვენ ვფიქრობთ, რომ თუ გარე ფაქტორები ზეგავლენას არ მოახდენს ფუნდამენტურ მაჩვენებლებზე, წელს ლარი საკმაოდ სტაბილური უნდა იყოს“, - აღნიშნა ვახტანგ ბუცხრიკიძემ.
