ოდესის გუბერნატორმა, საქართველოს ყოფილმა პრეზიდენტმა მიხეილ სააკაშვილმა მიუნხენის უსაფრთხოების კონფერენციაზე რუსეთის პრემიერ-მინისტრ დიმიტრი მედვედევის გამოსვლის დროს დარბაზი დატოვა.
ინფორმაციას ამის შესახებ, შესაბამის ფოტოსთან ერთად, გაზეთ "ვედომოსტის" კორესპონდენტი პეტრე კოზლოვი ავრცელებს.
მიუნხენში უსაფრთხოების 52-ე კონფერენცია 12 თებერვალს გაიხსნა. კონფერენციის დღის წესრიგის მთავარი საკითხებია: ევროპის თავდაცვის სისტემის კრიზისი, სირიის ომი, ტერორისტული დაჯგუფებების საქმიანობა და დევნილთა პრობლემები. მიუნხენში, საერთაშორისო ფორუმში მონაწილეობის მისაღებად 30-მდე ქვეყნის მეთაური, 60-ზე მეტი საგარეო საქმეთა მინისტრი და თავდაცვის მინისტრი, ასობით წამყვანი პოლიტიკოსი, ექსპერტი და ჟურნალისტი იმყოფება.
