ფინანსისტი ვახტანგ დოლიძე საგადასახადო კოდექსში შესატან ცვლილებებს და ე.წ. ესტონურ მოდელზე გადასვლას ერთმნიშვნელოვნად კარგს უწოდებს. დოლიძის განცხადებით, ეს ცვლილება მეტყველებს, რომ ხელისუფლება ქვეყანაში ბიზნესს კლიმატის გაუმჯობესებაზეა ორიენტირებული.
„ცალსახად ძალიან კარგი მოდელია, რაც მეტყველებს, რომ ხელისუფლება ქვეყანაში ბიზნესს კლიმატის გაუმჯობესებაზეა ორიენტირებული. ცვლილება ბიუჯეტის შემცირებას გამოიწვევს, ამიტომ ძირითადად საკანონმდებლო ორგანოს გადასაწყვეტია, რამდენად მზად არიან ხარჯების შესაკვეცად. ასევე, ფინანსთა სამინისტრომ უნდა დაითვალოს, რამდენად შემცირდება ბიუჯეტში გადასახადები.“-განაცხადა ვახტანგ დოლიძემ.
