ევროკავშირი საქართველოში კონფლიქტების გაღრმავებით შეშფოთებულია, - ამის შესახებ ევროკავშირის უმაღლესმა კომისარმა საგარეო პოლიტიკასა და უსაფრთხოების საკითხებში , ფედერიკა მოგერინიმ ბელგრადში მიმდინარე ეუთო-ს მინისტერიალზე სიტყვით გამოსვლისას განაცხადა.
"ევროკავშირი შეშფოთებულია დნესტრისპირეთში კონფლიქტის მოგვარების კუთხით ძალიან მცირე პროგრესით, მთიან ყარაბაღში დაძაბულობის ზრდით და საქართველოში კონფლიქტების გაღრმავებით", - განაცხადა მოგერინიმ.
მისი თქმით, ევროკავშირი მზად არის, კონფლიქტების მოგვარების პროცესში აქტიური მონაწილეობა გააგრძელოს. ამასთან, მან მოუწოდა პროცესში ჩართულ ყველა მხარეს, "ეუთო-ს პრინციპების დაცვით, კეთილსინდისიერად იმუშავოს პოლიტიკური გადაწყვეტილების მისაღებად,".
