კოალიცია „ქართული ოცნების“ ლიდერს ბიძინა ივანიშვილს პრემიერობის კანდიდატად საქართველოს პრეზიდენტი მიხეილ სააკაშვილი დღეს ან ხვალ წარადგენს.
ეს განცხადება ბიძინა ივანიშვილმა პრეს-კონფერეციაზე გააკეთა, სადაც მან მინისტრთა კაბინეტის დარჩენილი კანდიდატები წარადგინა.
"ჩემი წარდგენა, როგორც პრემიერ-მინისტრის, დღეს ან ხვალ უნდა მოხდეს. როგორც მე ვიცი, პრეზიდენტმა უნდა გააკეთოს განცხადება. დანარჩენი პროცედურები აქვს პარლამენტს. პარლამენტმა ეს პროცედურები უნდა გაიროს და მერე ალბათ, მოხდება მთავრობის დამტკიცება", -განაცხადა ივანიშვილმა.
