დღეს, მსოფლიო გაქირავებაში გამოდის 3D ფორმატის ანიმაციური ფილმი „ნემოს ძიებაში“ რომელიც მაყურებელს კიდევ ერთხელ მოუყვება საყვარელი გმირების ნემოსა და მარვინის თავგადასავალს. ფილმში მარლინი ისევ ხანგრძლივ მოგზაურობას იწყებს ოკეანეში. მისი მიზანი უცვლელია, იპოვოს შვილი - ნემო! ამბობენ, ეს თავგადასავალი ბევრად საინტერესო და შთამბეჭდავი იქნება ვიდრე წინა იყო.

„ნემოს ძიებაში“  Disney/Pixar -ის, ერთ–ერთ, საუკეთესო პროექტად ითვლება. ის ეკრანებზე 2003 წელს გამოვიდა და გაყიდვების მაჩვენებლით, ყველა მოლოდინს გადააჭარბა. მხოლოდ ამერიკაში, 28 მილიონზე მეტი DVD  გაიყიდა. 94 მილიონი ბიუჯეტის მქონე ანიმაციის შემოსავალმა კი, საბოლოო ჯამში 867 მილიონი დოლარი შეადგინა.

ფილმი ამერიკული კინოაკადემიის უმაღლესი ჯილდოს „ოსკარის“ ლაურეატია, ნომინაციაში „წლის საუკეთესო სრულმეტრაჟიანი ანიმაცია“.