საპარლამენტო არჩევნების სავარაუდო თარიღად 2 ან 5 ოქტომბერი სახელდება. როგორც საპარლამენტო კულუარებში ამბობენ, არჩევნები ოქტომბრის პირველ დეკადაში გაიმართება.
მმართველი პარტიის წევრები რაიმე კონკრეტული თარიღის დასახელებისგან თავს იკავებენ, რადგან არჩევნების თარიღის გამოცხადება პრეზიდენტის პრეროგატივაა.
„დაელოდეთ პრეზიდენტის განცხადებას. ყველაფერს თავის დროზე შეიტყობთ“– აცხადებენ ნაციონალური მოძრაობის წევრები.
კონსტიტუციის თანახმად, საპარლამენტო არჩევნები 2012 წლის ოქტომბერში უნდა გაიმართოს.
