შსს-ს აკადემიაში, ევროკავშირის დაფინანსებით განხორციელებული პროექტის –„საქართველოს მთავრობის შესაძლებლობების გაუმჯობესება საზღვრისა და მიგრაციის მართვის სფეროში" – ფარგლებში, დოკუმენტების მეორადი ინსპექტირების და ექსპერტიზის საკითხებზე ტრენინგები ჩატარდა. სწავლებაში მონაწილეობა შსს-ს საპატრულო პოლიციის დეპარტამენტის, საექსპერტო-კრიმინალისტიკური მთავარი სამმართველოს და შსს-ს აკადემიის წარმომადგენლებმა მიიღეს.
პროექტს – „საქართველოს მთავრობის შესაძლებლობების გაუმჯობესება საზღვრისა და მიგრაციის მართვის სფეროში" მიგრაციის საერთაშორისო ორგანიზაცია (IOM) 2014 წლიდან ახორციელებს. ტრენინგს უძღვებოდნენ ექსპერტები ნიდერლანდების სამეფოდან.
სწავლების დასასრულს დაჯილდოების ცერემონია გაიმართა, რომელსაც შსს-ს საექსპერტო-კრიმინალისტიკური მთავარი სამმართველოს ხელმძღვანელი ნუგზარ სუჯაშვილი და საქართველოში მიგრაციის საერთაშორისო ორგანიზაციის მისიის ხელმძღვანელი ილიანა დერილოვა დაესწრნენ. სწავლების ყველა მონაწილეს სერთიფიკატები გადაეცა.
