შინაგან საქმეთა სამინისტროს საგანგებო სიტუაციების მართვის დეპარტამენტსა და სპორტისა და ახალგაზრდობის საქმეთა სამინისტროს სსიპ „ბავშვთა და ახალგაზრდობის ეროვნულ ცენტრს“ შორის გაფორმებული ურთიერთთანამშრომლობის მემორანდუმის ფარგლებში, „ნორჩ მაშველთა კლუბის შესახებ“ განხორციელებული პროექტის საფუძველზე, „ბავშვთა და ახალგაზრდობის ეროვნულ ცენტრში“ „ნორჩ მაშველთა კლუბი“-ს 2015 წელს შემდგომი განვითარებისა და თბილისის მასშტაბით გაფართოების მიზნით შეხვედრა გაიმართა.
შეხვედრას შინაგან საქმეთა სამინისტროს საგანგებო სიტუაციების მართვის დეპარტამენტის დირექტორი ზვიად ქაწაშვილი, თბილისის სკოლების დირექტორები, აღნიშნულ პროექტში ჩართული საგანგებო სიტუაციების მართვის დეპარტამენტის და „ბავშვთა და ახალგაზრდობის ეროვნული ცენტრის“ წარმომადგენლები დაესწრნენ. მხარეებმა შეხვედრაზე საორგანიზაციო საკითხები განიხილეს.
„ნორჩ მაშველთა კლუბის შესახებ“ პროექტის ფარგლებში, 2014 წელს ქართველმა ნორჩმა მაშველებმა ბელორუსსა და აზერბაიჯანში საერთაშორისო საზაფხულო ბანაკებში გამართულ შეჯიბრებებში მიიღეს მონაწილეობა. საქართველოში კი ანაკლიის საზაფხულო ბანაკმა უმასპინძლა ბელორუსის ახალგაზრდა მაშველთა ჯგუფს.
