პარიზში განცდილ მარცხს „ლელო“ პოლიტიკურ ეპილოგამდე მიჰყავს.
არჩევნებამდე 3 თვით ადრე პარტიას ის ბერკეტი გამოეცალა, რითაც პოლიტიკურ ველზე პოზიციონირებდა. დადასტურდა, რომ სახელმწიფოს კი არ მართებს მათი ვალი, პირიქით, ქვეყნისთვის თავად აქვთ გადასახდელი ჩაგდებული პროექტისა და რეპუტაციული ზიანისათვის. ხაზარაძე-ჯაფარიძე არბიტრაჟის გადაწყვეტილების გასაჯაროების შემდეგ მედიასთან პირველად გამოჩნდნენ, თუმცა განმარტებებისთვის მზად ისევ არ აღმოჩნდნენ.
ნახეთ ნინო არღვლიანი თემის დეტალებით.
საქართველოს მთავრობამ „ანაკლიის განვითარების კონსორციუმთან“ ხელშეკრულების შეწყვეტის გადაწყვეტილება 2020 წლის 9 იანვარს მიიღო. იმავე დღეს, „ანაკლიის განვითარების კონსორციუმის“ ხელმძღვანელმა, ლევან ახვლედიანმა განაცხადა, რომ მთავრობის გადაწყვეტილებას საარბიტრაჟო სასამართლოში გაასაჩივრებდნენ. თუმცა, მამუკა ხაზარაძემ და ბადრი ჯაფარიძემ საარბიტრაჟო დავა საქართველოსთან წააგეს.
