პარტია „ხალხის ძალის“ წევრი დავით ქართველიშვილი საქართველოს ეროვნული ნაკრების ფეხბურთელის, ბუდუ ზივზივაძის ირგვლივ განვითარებულ მოვლენებს აფასებს.
ანალიტიკოსის თქმით, რადიკალური ოპოზიცია ნაკრების ფეხბურთელის „დემონიზაციას“ ცდილობდა მხოლოდ იმიტომ, რომ ისინი ებრძვიან ყველაფერ ქართულს.
ექსპერტის თქმით, რადიკალური ოპოზიცია და მათი მხარდამჭერები ცდილობენ ყველაფერი ქართული გააუფერულონ და ამისთვის წარმატებულ ქართველებს ეძებენ, სწორედ ამიტომ იყო მათი სამიზნე ბუდუ ზივზივაძე.
„ეგრე რა! ესეც ბუდუს "დე-მაშასადამიზაცია" და პირველ რიგში - მხოლოდ ქართველობა, რაშიც არც არავის ეპარებოდა ეჭვი. ამ ბიჭის "დემონიზაციაზე" მუშაობდა ჩვენი ლიბერალური ფაშიზმის მთელი ბოროტი მანქანა. მათი მიზანი იყო, რაც შეიძლება მეტი ქართველი ამოერიცხათ ეროვნული ნაკრებიდან, ქართული ფეხბურთიდან, ჩვენი საზოგადოების ამ მნიშვნელოვანი ნაწილის - მორიგ, გენმოდიფიცირებულ სეგმენტად გარდაქმნის მიზნით. მათი მიზანია - ყველაფერი ქართული, ნიჭიერი და ეროვნული გადააქციონ უფერულ, უსამშობლო, გან-სულიერებულ ბიომასად. მათი ძირითადი სამიზნე - წარმატებული ქართველები არიან. დიდი ხანია ნადირობდნენ და ცდილობდნენ იმავე ბუდუს "ვამპირიზაციას", მაგრამ ბუდუმ თავისი ქართველობით მათზე გაიმარჯვა.“- წერს ქართველიშვილი.
