ყველას აქვს საერთო მიზანი და რამდენადაც არ უნდა დაიშალონ ოპოზიციურ ველზე, თავის რეიტინგზე მაღლა ვერ ახტებიან. თავზე მაღლა ძალა ჯერ არავის უპოვია და ვერც ისინი იპოვიან, - ამის შესახებ აპარლამენტო ფრაქცია „ქართული ოცნების“ თავმჯდომარემ, პარტია „ქართული ოცნების“ აღმასრულებელმა მდივანმა მამუკა მდინარაძემ ჟურნალისტებთან საუბრისას განაცხადა.

„მაგალითად, როცა გახარია ცდილობს, რომ „ნაცმოძრაობას“ გაემიჯნოს, ჯერ გაემიჯნოს თავის წარსულს ამ მიმართულებით - როდესაც მან ჯერ უღალატა თავისივე გუნდს და შემდეგ კოალიცია შეუქმნა საკრებულოებში „ნაციონალურ მოძრაობას“. რაც შეეხება გვარამიას ნაცებისგან გამიჯვნას, ეს სასწაულად მიმაჩნია და ამაზე არგუმენტებიც არ არის საჭირო - როგორ შეიძლება გაემიჯნონ ერთმანეთს ადამიანები და პოლიტიკოსები, როდესაც საერთო წასული ჰქონდათ და საერთო დავალებების ქვეშ მოქმედებენ. ამიტომ ეს ხელოვნური გამიჯვნები შედეგს ვერ მოუტანს ოპოზიციას“, - აღნიშნა მამუკა მდინარაძემ.