კანადის მიერ რუსეთისთვის დაწესებული სანქციების საპასუხოდ რუსეთმა კანადის 100 მოქალაქეს, მათ შორის მსახიობ ჯიმ კერის ქვეყანაში შესვლა აუკრძალა.
„პრემიერ-მინისტრ ჯასტინ ტრუდოს მიერ სანქციების დაწესების უწყვეტი პრაქტიკის საპასუხოდ რუსეთის ტერიტორიაზე შესვლა აკრძალულია კანადის ასი მოქალაქისთვის“, - აღნიშნეს რუსეთის საგარეო უწყებაში.
სანქცირებულთა სიაში ასევე მოხვდნენ ალბერტას პროვინციის პრემიერი, დანიელ სმიტი, კანადის საზოგადოებრივი მაუწყებლის CBC-ის ჟურნალისტები და კანადა-უკრაინის ფონდის რამდენიმე წევრი.
