მილანის მახლობლად მდებარე სუპერმარკეტში ცივი იარაღით თავდასხმას ერთი ადამიანი ემსხვერპლა, ხოლო ოთხი - დაშავდა. ინფორმაციას ამის შესახებ BBC-ი ავრცელებს.
აღსანიშნავია, რომ დაჭრილებს შორის არის საფეხბურთო კლუბ „არსენალის“ ფეხბურთელი პაბლო მარი, რომელიც ამჟამად იჯარით იტალიურ „მონცაში“ თამაშობს.
იტალიური მედიის ინფორმაციით, თავდამსხმელი დაკავებულია. ის 46 წლის იტალიის მოქალაქეა. თავდასხმის მოტივი ჯერ უცნობია.
