უკრაინის პრეზიდენტის ოფისის მრჩეველი მიხაილო პოდოლიაკი სერგეი ლავროვის განცხადებას ტელეგრამგვერდის საშუალებით გამოეხმაურა და მის პოზიციას კლასიკური რუსული შიზოფრენია უწოდა.
„კლასიკური რუსული შიზოფრენია: დილით ამბობთ, რომ მოსკოვი მზადაა მოლაპარაკებებისთვის, საღამოს კი ამბობთ, რომ თქვენი მიზანია „მოიშოროთ კიევის ანტიეროვნული რეჟიმი“. ამას ამბობს სუბიექტი, რომელიც წარმოადგენს ბარბაროსულ ქვეყანას, რომელიც უმიზეზოდ შეიჭრა უცხო ტერიტორიაზე და რაც შეიძლება სასტიკად კლავს უკრაინელებს. როდესაც „ანტიისტორიული რეჟიმების“ დამხობას გადაწყვეტთ, მნიშვნელოვანია, შემთხვევით არ აღმოვჩნდეთ ისტორიის უპირობო ნაგავსაყრელში. განსაკუთრებით, თუ ცივილიზაციისთვის უკვე ძალიან მნიშვნელოვანია გაოცება იმ სუბიექტებით, რომლებმაც ჩაიდინეს ამდენი დოკუმენტირებული მძიმე სამხედრო დანაშაული“, - აღნიშნავს უკრაინის პრეზიდენტის ოფისის მრჩეველი.
მარცვლეულის ექსპორტზე ხელმოწერილი შეთანხმების დარღვევის შემდეგ, რუსეთი უკრაინასთან მოლაპარაკების შესახებ ალაპარაკდა და ამ პროცესის უშედეგობა ისევ კიევს დააბრალა. ეგვიპტეში ვიზიტის დროს, არაბული სახელმწიფოების ლიგის წევრებისადმი მიმართვისას, სერგეი ლავროვმა განაცხადა, რომ რუსეთს არ აქვს წინასწარ შექმნილი ცუდი აზრი უკრაინასთან მოლაპარაკებების განახლების შესახებ, საკითხთა ფართო სპექტრზე და იქვე დასძინა, რომ მოლაპარაკებები ვერ შედგება, ვიდრე კიევი რუსეთის დამარცხებაზე საუბრობს.
