აშშ-ის ორი მოქალაქე, რომელიც სავარაუდოდ უკრაინის მხარეს იბრძოდა, ცოტა ხნის წინ დონბასში დაიღუპა, - ამის შესახებ ABC News-ს სახელმწიფო დეპარტამენტის წარმომადგენელმა განუცხადა.
„შეგვიძლია დავადასტუროთ, რომ ორი ამერიკელი ცოტა ხნის წინ დონბასში დაიღუპა. უკვე დავუკავშირდით მათ ოჯახებს და საჭირო დახმარებას ვუწევთ“, - განაცხადა სახელმწიფო დეპარტამენტის წარმომადგენელმა.
გარდაცვლილთა ვინაობა არ სახელდება.
აპრილის ბოლოს უკრაინაში მიმდინარე ომს 22 წლის უილი ჯოზეფ ქენსელი ემსხვერპლა, მაისში კი სოფელ დოროჟნიანკასთან ნაღმზე 52 წლის სტივენ ზაბელსკი აფეთქდა.
