დიდი ბრიტანეთის პრემიერ-მინისტრმა, ბორის ჯონსონმა განაცხადა, რომ ვლადიმირ პუტინი რომ ქალი ყოფილიყო, უკრაინაში არ შეიჭრებოდა.
ბორის ჯონსონის თქმით, რუსეთის პრეზიდენტის უკრაინაში „შეშლილი, მაჩო“ შეჭრა „ტოქსიკური მასკულინობის შესანიშნავი მაგალითია“.
გენდერული თანასწორობისა და განათლების მნიშვნელობაზე საუბრისას დიდი ბრიტანეთის პრემიერ-მინისტრმა ხაზგასმით აღნიშნა, რომ „ძალაუფლების თანამდებობებზე მეტი ქალია საჭირო“.
„პუტინი რომ ქალი ყოფილიყო, რაც ის აშკარად არ არის, მაგრამ რომ ყოფილიყო, მე ნამდვილად არ ვფიქრობ, რომ ის წამოიწყებდა შეშლილ, მაჩო ომს, როგორც ეს გააკეთა [უკრაინაში]. თუ გსურთ ტოქსიკური მასკულინობის შესანიშნავი მაგალითი, ეს არის ის, რასაც ის უკრაინაში აკეთებს“, - განაცხადა ბორის ჯონსონმა.
