ტყვეობაში მყოფი აზოვის პოლკის რამდენიმე მეთაური მოსკოვში, „ლეფორტოვოს“ საგამოძიებო იზოლატორში გადაიყვანეს, - ინფორმაციას რუსული მედია ავრცელებს.
სად იმყოფება პოლკის მეთაური დენის პროკოპენკო, ამ დრომდე უცნობია.
მარიუპოლის დამცველები „აზოვსტალის“ ქარხნის ტერიტორიაზე თითქმის 3 თვე იყვნენ გამაგრებულნი, რის შემდეგაც ისინი, პრეზიდენტ ზელენსკის ბრძანებით, ოკუპანტებს ჩაბარდნენ. ამჟამად რუსების ტყვეობაში 2500-მდე „აზოველი“ იმყოფება.
