პოლარიზაციის შემცირებაზე პასუხისმგებელია ყველა - პოლიტიკური სუბიექტი თუ არაპოლიტიკური სუბიექტი, - ამის შესახებ „ქართული ოცნების“ თავმჯდომარემ, ირაკლი კობახიძემ პარტიის ოფისში გამართულ ბრიფინგზე განაცხადა.
„პირველი რეკომენდაცია რაც არის იმის წინააღმდეგ დღესვე, ოპოზიციამ უკვე გამოსვლა დაიწყო. ისინი აანონსებენ 20 ივნისს მაპოლარიზებელ აქციას და პირდაპირ საუბრობენ ხელისუფლების გადატრიალების სურვილზე. პირველივე პუნქტს არღვევენ პირველივე წუთებში, მას შემდეგ, რაც ეს რეკომენდაციები გაიცა ევროკავშირის მიერ. ვინ მიდის პოლარიზაციისკენ და ვის სურს პოლარიზაცია, ეს დღესავით ნათელია“, - განაცხადა ირაკლი კობახიძემ.
ევროკომისიის პრეზიდენტმა, ურსულა ფონ დერ ლაიენმა პრესკონფერენციაზე განაცხადა: რეკომენდაციას ვუწევთ საბჭოს, საქართველოს მიანიჭოს ევროპული პერსპექტივა და შემდეგ კანდიდატის სტატუსის მინიჭებამდე პირობების შესრულება შეაფასოს.
