აშშ-ის პრეზიდენტი დღეს პოლონეთის ქალაქ ჟეშუვში ჩავა, რომელიც უკრაინის საზღვრიდან 80 კილომეტრში მდებარეობს. ამის შესახებ BBC წერს.
თეთრი სახლის ინფორმაციით, ამ ვიზიტის მიზანია დასავლეთის განწყობის ჩვენება უკრაინაში რუსეთის შეჭრის წინააღმდეგ.
ჟეშუვში ჯო ბაიდენი პოლონელ კოლეგას, ანჯეი დუდას შეხვდება. გარდა ამისა, აშშ-ის პირველი პირი უკრაინელ ლტოლვილებს მოინახულებს.
