„7 მარტს უკრაინაში დაახლოებით 14 000 ადამიანი შემოვიდა, მათი უმეტესობა, თითქმის 11 000 ადამიანი უკრაინის მოქალაქეა. ვამაყობთ და მადლობას ვუხდით ჩვენს თანამემამულეებს, რომლებიც სამშობლოში ასეთ რთულ დროს დაბრუნდნენ“, - აღნიშნულია უკრაინის სახელმწიფო საზღვრის დაცვის სამსახურის მიერ გავრცელებულ განცხადებაში.
ამავე სამსახურის ცნობით, ღამის განმავლობაში, უკრაინა 118 000-მდე ადამიანმა დატოვა. მათი დიდი ნაწილი - თითქმის 90 000 პირი პოლონეთში გადავიდა.
„გირჩევთ, ასევე გამოიყენოთ უნგრეთის, სლოვაკეთისა და მოლდოვას საზღვრებთან მდებარე პუნქტებიც. უნგრეთის სასაზღვრო-გამშვები პუნქტი ამჟამად თითქმის ცარიელია“, - აღნიშნულია უკრაინის სახელმწიფო საზღვრის დაცვის სამსახურის მიერ გავრცელებულ განცხადებაში.
