დღესდღეობით ყველაზე ხშირად ეს სალათი შედგება: ჭარხლისგან, კარტოფილისგან, კიტრის მწნილისა და სტაფილოსგან, მაგრამ კომბოსტოს მწნილით ის კიდევ უფრო გემრიელია. თვითონ სახელწოდება „ვინეგრეტი“ მოვიდა საფრანგეთიდან: "vinaigre" ქვია სალათის მოსასხამს მდოგვით, ზეითუნის ზეთით და ძმრით. ჩვენთან კი ტრადიციული პროვანსალური მოსასხამი გახდა სალათი - ალბათ, მე-18 საუკუნის ფრანგული ენისა და კულინარიული ტექნიკის არასაკმარისი ცოდნის გამო.

ინგრედიენტები

5   ცალი კარტოფილი

2   ცალი სტაფილო

2   ცალი ჭარხალი

100   გრამი მწვანე გაროხი

100   გრამი მჟავე კომბოსტო

3   ცალი კიტრის მწნილი

1   თავი თეთრი ხახვი

2   ს/კ მცენარეული ზეთი

გემოვნებით მარილი და პილპილი

მომზადება

კარტოფილი, სტაფილო და ჭარხალი მოხარშეთ მზადყოფნამდე, შეძლებისდაგვარად გაასუფთავეთ კანისგან და დაჭერით 5-6 მმ. კუბიკებად. ასევე შეგიძლიათ ამ ბოსტნეულის ღუმელში მომზადება - ყველა მათგანი უნდა შეახვიოთ ცალ-ცალკე ფოლგაში, ოღონდ წინასწარ უნდა მოასხათ ზეითუნის ზეთი და გამოაცხოთ 200 გრადუს ტემპერატურაზე დაახლოებით 40 წუთის განმავლობაში. ამ შემთხვევაში ბოსტნეულის გემო უფრო მეტად იქნება გაჯერებული.

ხახვი და კიტრის მწნილი დაჭერით 2-ჯერ უფრო პატარა კუბიკებად ვიდრე ბოსტნეული.

მჟავე კომბოსტო დაჭერით თხლად, მოკლე ფენებად, ისე რომ მისი სალათაში შერევა მოსახერხებელი იყოს.

გააერთიანეთ ყველა კომპონენტი, შეაზავეთ მცენარეული ზეთით, მარილით და შავი პილპილით. კარგად მოურიეთ და გემრიელად მიირთვით.

შეგიძლიათ უარი თქვათ ტრადიციულ სალათზე და სიახლისთვის დაამატოთ მწვანე ვაშლი ან მოცვი.