იაპონიის დედაქალაქ ტოკიოში მომხდარი მიწისძვრის შედეგად, სულ მცირე, 17 ადამიანი დაშავდა. ინფორმაციას ამის შესახებ სააგენტო The Associated Press-ი ავრცელებს.
იაპონიის დედაქალაქ ტოკიოში 5.9 მაგნიტუდის სიმძლავრის მიწისძვრა მოხდა.
გავრცელებული ინფორმაციით, მიწისძვრის გამო, სარკინიგზო ხაზები გაჩერდა, თუმცა სერიოზული დაზიანებების შესახებ ინფორმაცია არ გავრცელებულა.
მიწისძვრის ეპიცენტრი ტოკიოს აღმოსავლეთით, ჩიბას პრეფექტურაში იყო. მიწისძვრის შედეგად ცუნამის საფრთხე არ არის.
