72 დაღუპული და 1 000-მდე დაკავებული ბავშვი ქვეყნის მასშტაბით, - ასეთია 1-ლი თებერვლიდან დღემდე, მიანმარში, მწვავე დაპირისპირების შედეგები, რომელსაც გაეროს ბავშვთა უფლებების კომიტეტი ავრცელებს.
„ბავშვები ყოველდღიურად განიცდიან ძალადობას, დგანან უმისამართო სროლებისა და თვითნებური დაკავებების პირისპირ“, - ამბობენ გაეროს ექსპერტები.
ბოლო 5 თვის განმავლობაში მოკლულ ბავშვებს შორისაა 6 წლის გოგოც, რომელსაც პოლიციელმა მუცელში ესროლა.
გაეროს ბავშვთა ეფლებების კომიტეტი 18 დამოუკიდებელი ექსპერტისგან შედგება. კომიტეტის ფუნქციაა, მონიტორინგი გაუწიოს ბავშვთა უფლებების კონვენციის შესრულებას, რომელსაც მიანმარმა ხელი 1991 წელს მოაწერა.
1-ელ თებერვალს მომხდარი სამხედრო გადატრიალების შემდეგ, მიანმარში საპროტესტო აქციები დაიწყო. სამთავრობო ძალები დემონსტრაციებს ცეცხლსასროლი იარაღის გამოყენებით არბევენ. ამერიკის შეერთებულმა შტატებმა და ევროკავშირმა გადატრიალების ლიდერებს სანქციები დაუწესეს.
