სომხეთის პრემიერ-მინისტრის მოვალეობის შემსრულებელმა, ნიკოლ ფაშინიანმა განაცხადა, რომ სომხეთ-აზერბაიჯანის საზღვრის ზოგიერთ მონაკვეთზე დაძაბულობის ზრდის ტენდენცია შეინიშნება.
„სომხეთ-აზერბაიჯანის საზღვრის ზოგიერთ მონაკვეთზე აზერბაიჯანის ძალების მხრიდან დაძაბულობისა და აგრესიულობის ტენდენცია შეინიშნება“, - აღნიშნა სომხეთის პრემიერ-მინისტრის მოვალეობის შემსრულებელმა.
ნიკოლ ფაშინიანის თქმით, აღნიშნულ საკითხზე სომხეთის პოზიცია უცვლელია: აზერბაიჯანის შეიარაღებულმა ძალებმა სომხეთის ტერიტორია უნდა დატოვონ.
„უნდა ვიმოქმედოთ იმისთვის, რომ ჩვენი პრობლემა პოლიტიკური საშუალებებით გადაიჭრას. თუ ასეთ შედეგს ვერ მივაღწევთ, სამხედრო-პოლიტიკური მექანიზმები უნდა გამოვიყენოთ“, - განაცხადა მან.
