ირაკლი ღარიბაშვილის პრემიერ-მინისტრად დანიშვნა პირდაპირ ნიშნავს რიგგარეშე არჩევნებს, - ამის შესახებ „ნაციონალური მოძრაობის” თავმჯდომარემ, ნიკა მელიამ განაცხადა.
„ირაკლი ღარიბაშვილი დაქოქილი თოჯინაა. ეს ნიშნავს, რომ „ქართულ ოცნებასაც” მობეზრდა, რომ იყოს ხელისუფლების მიმტაცებელი. ირაკლი ღარიბაშვილი რომ იყო პრემიერ-მინისტრი, რა გააკეთა? ხუმრობთ? ეს ნიშნავს, რომ ძალიან მალე ახალი არჩევნები ჩატარდება ქვეყანაში. ეს ნიშნავს, რომ ბიძინა ივანიშვილის ადიუტანტი დანიშნეს პრემიერ-მინისტრად. ღარიბაშვილი ერთხელ, როგორც პატარა ბავშვი ისე გაუშვა, დამთავრებულია „ქართული ოცნება”, - განაცხადა მელიამ.
„ქართულმა ოცნებამ“ პრემიერ-მინისტრობის კანდიდატად ირაკლი ღარიბაშვილი წარადგინა.
