ბელარუსის პრეზიდენტმა, ალექსანდრე ლუკაშენკომ განაცხადა, რომ ოპოზიციისა და საპროტესტო აქციების წნეხის ქვეშ ქვეყნიდან გაქცევას არ აპირებს.
„ახლა თუ ვინმე ფიქრობს, რომ ავდგები და გავიქცევი, ყველამ დაინახა, რომ ამ მოვლენების დროს ერთი ნერვიც არ ამიტოკდა. უფრო რთული სიტუაციები გამოვიარეთ. ქუჩებში მანქანებს წვავდნენ. ყველაფერი ეს გადავაგორეთ“, - განაცხადა ალექსანდრე ლუკაშენკონ.
ბელარუსის პრეზიდენტმა აღნიშნა, რომ არასდროს გაქცეულა ქვეყნიდან და გაქცევას არ აპირებს.
23 სექტემბერს მინსკში ალექსანდრ ლუკაშენკოს ინაუგურაციის ცერემონია გაიმართა, რომლის შესახებ მანამდე არაფერი იყო ცნობილი. ღონისძიებას ასობით ბელარუსი საჯარო მოხელე დაესწრო. ცერემონიის კადრები ადგილობრივ მედიაში მხოლოდ ღონისძიების დასრულების შემდეგ გავრცელდა. ბელარუსის ოპოზიციის ლიდერმა, სვეტლანა ტიხანოვსკაიმ კი თავი ბელარუსის ერთადერთ ლეგიტიმურ ლიდერად გამოაცხადა.
ევროკავშირმა ბელარუს მაღალჩინოსნებს სანქციები დაუწესა.
