31 ოქტომბერს ქართველები არჩევნებზე მივლენ საქართველოში 150-წევრიანი პარლამენტის ასარჩევად. მე, 1991 წლის შემოდგომაზე ჩემი პირველი მოგზაურობის შემდეგ, მრავალმხრივ ვარ ჩართული საქართველოსთან დაკავშირებულ საკითხებში, მათ შორის როგორც მისი პირველი ლობისტი, პარლამენტის მრჩეველი, მეწარმე და ახლა საინვესტიციო მრჩეველი. პრეზიდენტმა ედუარდ შევარდნაძემ „საპატიო ორდენი“ მიბოძა დასავლეთის დემოკრატიულ ქვეყნებში საქართველოს ინტეგრაციის მიმართულებით ჩემი ძალისხმევისთვის. მე ახლაც ყოველ დილით ვეცნობი საქართველოს ახალ ამბებს, - ამის შესახებ პოლ მ. ჯოიალი წერს.

პოლ მ. ჯოიალმა Miami Herald-ში მიხეილ სააკაშვილის და „ნაციონალური მოძრაობის“ შესახებ ვრცელი სტატია გამოაქვეყნა.

„საქართველო ყოველთვის მომხიბლავი და სიცოცხლით სავსე ქვეყანაა, რომელმაც გზა გაიკვალა დასავლური ორიენტაციისკენ, დემოკრატიული რეფორმისკენ საბჭოთა საგარეო სივრცეში. საქართველო არის ევროკავშირსა და ნატოში გაწევრიანების ამბიციის მქონე შეუჩერებელი ქვეყანა. ეს არჩევნები აღნიშნავს ახალ ფაზას, რომელიც დაასრულებს საქართველოს ერთ-ერთი ყველაზე მეტად აღიარებული პოლიტიკოსის პოლიტიკურ ცხოვრებას, რომელმაც, როგორც ჩანს, კიდევ ერთხელ გადააჭარბა თავის პოლიტიკურ უფლებამოსილებას. ეს არჩევნები სავარაუდოდ მის ბედს განსაზღვრავს.

მიხეილ (მიშა) სააკაშვილის როლი - საქართველოს პრეზიდენტი ორი ვადით და უკრაინის ოდესის ოლქის გუბერნტორი - შესწავლას იმსახურებს. საქართველო არის აშშ-ისა და ნატოს ქვეყნების მნიშვნელოვანი მოკავშირე მსოფლიოს კრიტიკულ რეგიონში.

მიშა სააკაშვილი ყოველთვის ზედმეტად დიდი ფიგურა იყო. ქარიზმატული და ადამიანური ენერგიით სავსე, ის ყოველთვის სწრაფად საუბრობდა და სავსე იყო იდეებით. მისი წარმოუდგენელი სურვილებისა და უამრავი მიდრეკილების თუ მისი განცხადებებისა და პროგნოზების ფონზე, როგორც ოლიმპოს ღმერთის, რომელიც მზად არის მიწაზე დაეშვას და გადაარჩინოს თავისი ხალხი, მისი ბოლო უგუნურება შეიძლება რეკორდული გახდეს. ზოგი იტყვის, რომ ის ქარიშხალს ჰგავს, მაგრამ მე ციკლონს დავარქმევდი, უფრო დამანგრეველია. ჯანდაცვისა და სამთავრობო ორგანოების რეკომენდაციების საწინააღმდეგოდ, „ციკლონმა მიშამ“ გაათავისუფლა COVID-ის ძაღლები 5000-კაციანი მიტინგის ჩატარებით ბათუმში, შავ ზღვის კურორტზე, რომელიც ზაფხულის სეზონის შემდეგ ისედაც მწვავე მდგომარეობაში იყო ინფექციის გავრცელების მხრივ.

მისი პარტიის ,,ერთიანი ნაციონალური მოძრაობა” (ენმ) მიერ ორგანიზებული ოქტომბრის მიტინგი ბევრისთვის ვირუსის გადადების მიზეზი გახდება. ნაციონალური მოძრაობის ერთ-ერთმა ლიდერმა ზაალ უდუმაშვილმა აღნიშნა, რომ ბათუმში ძალიან ბევრი ადამიანი იყო, რამაც ლოგისტიკური პრობლემები შექმნა(სოციალური დისტანცირების გარეშე) და რომ ნაციონალური მოძრაობის ბევრ მხარდამჭერს ნიღაბი არ ეკეთა. თუმცა, ციკლონი მიშას თანახმად, საქართველოში COVID-ის უპრეცედენტო ახალ ტალღას იწვევს მთავრობის უპასუხისმგებლობა, კორუფცია, ორმაგი სტანდარტები და სიცრუე! სინამდვილეში, პანდემიისადმი საქართველოს მთავრობის დისციპლინირებულმა მიდგომამ შედეგად გამოიღო მსოფლიოში ერთ-ერთი ყველაზე დაბალი გავრცელების მაჩვენებელი, მაგრამ როდესაც საქმე ციკლონს ეხება, ყოველთვის სხვები არიან დამნაშავე და არა ის. მთავრობა კორუმპირებულია, ცა ეცემა და მხოლოდ მას შეუძლია ერის გადარჩენა. ეს ფრაზები უკვე მოძველდა.

მიტინგის დასრულების შემდეგ, სააკაშვილმა ლენინური ფორმით განაცხადა, რომ ”ნაციონალური მოძრაობა მზადაა მასობრივი მობილიზებისთვის ... ბათუმში ნაციონალური მოძრაობისა და გაერთიანებული ოპოზიციის- ძალა ერთობაშია გუშინდელი შეხვედრა ხალხის ერთობის დიდი და მეტად საინტერესო დემონსტრაცია იყო! ”

უგუნურება ყოველთვის იყო „ციკლონის“ განმასხვავებელი ნიშანი და ახლაც სრულად ავლენს მას, იმის მაგივრად, რომ მეტად თავმდაბალი იყოს.

პოლიტიკურ ცხოვრებაში მნიშვნელოვან ფიგურებს ხშირად არ ეძლევათ დამამცირებელი მარცხის თავიდან აცილების საშუალება. 2012 წელს, ვადის დასრულებამდე, მან გადაწყვიტა, შეეცვალა საქართველოს კონსტიტუცია, რათა დარჩენილიყო ხელისუფლებაში- პოტენციურად, მთელი ცხოვრების განმავლობაში. მისმა გეგმამ ვერ გაამართლა. საპარლამენტო არჩევნებში დამამცირებელი მარცხის შემდეგ მას ქვეყნის დატოვება მოუწია, რათა თავიდან აეცილებინა პასუხისმგებლობა უფლებამოსილების ბოროტად გამოყენების გამო.

თავშესაფარი უკრაინაში მისცეს. უკრაინის პრეზიდენტმა პოროშენკომ მას უკრაინის მოქალაქეობა შესთავაზა, რათა იგი საქართველოში ექსტრადიციისგან დაეცვა და გეუბერნატორად დანიშნა შავი ზღვის სანაპიროზე ოდესის რეგიონში რეფორმებისა და ანტიკორუფციული პროგრამის განსახორციელებლად. ეს იყო ციკლონი მიშას ფავორიტი საყრდენი. ეჭვების შემთხვევაში, გამოაცხადეთ თქვენი უდანაშაულობა და თავს დაესხით მათ, ვინც კორუმპირებულებად გთვლით. მცირე მხარდაჭერით ან სიტუაციის გააზრებით, მან მიმართა საქართველოში გამოყენებულ მეთოდებს და ოდესაში ჩამოიყვანა ქართველები, რომლებიც მის მთავრობაში მსახურობდნენ. მისი საზოგადოებასთან ურთიერთობის კამპანიამ, მათ შორის ერთმა ვიდეომ, რომელშიც ნაჩვენებია ჭარბწონიანი და არც ისე მოქნილი საქართველოს ყოფილი პრეზიდენტი, რომელიც ცდილობს პოლიციური მეთოდების დემონსტრირებას ადგილობრივი ტელევიზიით, იგი დაცინვის საგნად, ხოლო მისი ძალისხმევა უშედეგოდ აქცია. მაგრამ, როგორც ჩანს, მან ოდესაში შეიძინა ძვირადღირებული პენტჰაუსი. როდესაც გაჩნდა კითხვები, თუ როგორ შეეძლო კორუფციის წინააღმდეგ მებრძოლს ძვირად ღირებული პენტჰაუსის შეძენა, ერთ-ერთი პასუხი იყო, რომ დედამ იყიდა იგი მისთვის. კარგი, გადავიდეთ შემდეგზე…

მაგრამ ქართული კანონაღსრულებისგან გადარჩენა არ იყო საკმარისი. ციკლონმა მიშამ გადაწყვიტა, შეექმნა პოლიტიკური პარტია უკრაინაში პრეზიდენტ პოროშენკოს წინააღმდეგ, ადამიანის, რომელმაც იგი უფლებამოსილების ბოროტად გამოყენებისთვის საქართველოში დევნისგან იხსნა. არა მხოლოდ რომელიღაც პოლიტიკური პარტია, არამედ პარტია, რომელიც ქვეყნის სათავეში კორუფციას ებრძვის! რა თქმა უნდა, ის მალე გახდა მოქალაქეობის არმქონე ყოფილი პრეზიდენტი უკრაინული პასპორტის გარეშე. მას მოქალაქეობა პრეზიდენტმა ზელენსკიმ აღუდგინა.

მაგრამ მიშა ჯერ კიდევ ფიქრობს საქართველოზე. მისი მხრიდან უფრო მეტი ვიდეო და კორუფციული ბრალდება გავრცელდა, დადო პირობები, რომ კიდევ ერთხელ გადაარჩენს საქართველოს არჩევნებამდე დაბრუნებით. მაგრამ ასე არ მოიქცა. მან განაცხადა, რომ მას არ სურს რაიმე თანამდებობა, მაგრამ მალევე გადაიფიქრა და განაცხადა, რომ ის მხოლოდ ორი წელი იმსახურებს პრემიერ მინისტრის პოსტზე. ეს, რა თქმა უნდა, მისი კოალიციის ან გაერთიანებული კოალიციის არცერთ წევრთან არ ყოფილა შეთანხმებული. არავის სურს ამის მოსმენა. მან განაცხადა, რომ ის”ლამაზად ითამაშებს” გაერთიანებულ ოპოზიციასთან და მისი ნაციონალური მოძრაობა ითანამშრომლებს სხვა ოპოზიციურ პარტიებთან”გაერთიანებულ ფრონტში”, ​​რათა განთავისუფლდეს საქართველო „მჩაგვრელებისგან“ (”ქართული ოცნება”). გთხოვთ, შეიკავოთ სიცილი. როგორც კი მან დაინახა, რომ გამოკითხვის შედეგები"ერთიანი ფრონტის" უპირატესობას ვერ ასახავდა, დაარღვია შეთანხმება, რომელიც დასავლური დიპლომატიური საზოგადოების ხელშეწყობით შედგა თბილისში, და ენმ-თან ერთად გადაწყვიტა ბრძოლა, სხვა ოპოზიციური პარტიების კანდიდატების ხარჯზე,. ოპოზიციური პარტიის კანდიდატები. ციკლონი კვლავ მუშაობს, ცდილობს ნაციონალური მოძრაობის მიერ კონტროლირებადი რაც შეიძლება მეტი ადგილი ჩაიგდოს ხელში.

მიშამ განაცხადა: ”მე არ შევეგუები არჩევნების უკანონობას და გაყალბებას”. ეს არის ადამიანი, რომელმაც 2012 წლის საპარლამენტო არჩევნების ხმის მისაცემი უბნების დახურვისთნავე ეროვნულ ტელევიზიაში განაცხადა, რომ ერთიანმა ნაციონალურმა მოძრაობამ გაიმარჯვა. უი, ხმები დათვლილიც კი არ იყო და, რეალურად, კოალიცია„ქართულმა ოცნებამ“ მისი და მისი პარტიის(ერთიანი ნაციონალური მოძრაობის) წინააღმდეგ დიდი უპირატესობით გაიმარჯვა.

სამწუხაროდ, იმ ქვეყნებში, სადაც ციკლონი მიშა ფეხს დგამს, ის ქმნის ისეთ არეულობასა და არასტაბილურობას, რომ გარე ძალებს შეუძლიათ ისარგებლონ მისი გამოუცდელი კადრებითა და ექსპერიმენტული მიდგომებით- როგორც ეს გააკეთა რუსეთმა 2008 წელს. ერთ დროს, მიშას ჰყავდა პარტნიორი, რომელიც მის ქარიშხალს საზღვრებში აქცევდა. პროგრესი მიღწეულ იქნა, მაგრამ ზურაბ ჟვანია ტრაგიკულად გარდაიცვალა იდუმალ ვითარებაში, რის შემდეგაც ავტორიტარულმა და მესიანურმა ინსტიქტებმა კვლავ მოიცვა და წარმოშვა მიშა, რომელსაც დღეს ვხედავთ.

ეს ის მიშაა, რომელმაც ცოტა ხნის წინ წაუკითხა ლექცია აშშ-ის სახელმწიფო მდივანს და უთხრა: ”მე ზოგადად მიჩნეული ვარ, როგორც ყველაზე გამოჩენილი, მუდმივად პროამერიკული ხმა მთელს რეგიონში… ამიტომ აშშ-ის სახელმწიფო მდივნისთვის აბსოლუტურად დროის კარგვაა გახარიასთან (საქართველოს პრემიერ მინისტრი) დემოკრატიის შესახებ საუბარი.

New York Times– ის სტატიაში, სადაც ის ნიუ-იორკის კიდევ ერთ დევნილ ყოფილ პრეზიდენტად არის აღბეჭდილი, ნახსენებია, რომ ის „პატრონობს ბიძის ბინას (აღნიშნავენ გაეროს ყოფილი საბჭოთა ოფიციალური წარმომადგენლები) უილიამსბურგის სანაპირო კოშკში და მდიდრდება სამეზობლოში საიდუმლოებით მოცული სიმდიდრის დაგროვების ტრადიციის საშუალებით. ” ამ საკითხს ემატება კითხვა, თუ როგორ უჭერს მხარს ნაციონალური მოძრაობა ძალაუფლების გარეშე ვაშინგტონში ლობისტურ ძალისხმევას, რომელიც 500,000 დოლარი ღირს წელიწადში და რომელშიც ცნობილი რესპუბლიკელი აქტივისტები მონაწილეობენ.

საქართველოს საპარლამენტო არჩევნების მოახლოებასთან ერთად, 2020 წელს უნდა დასრულდეს ციკლონი მიშა, როგორც სიცოცხლისუნარიანი პოლიტიკური ძალა. მისმა მმართველობამ ნამდვილად განავითარა დემოკრატია საქართველოში, თუმცა მეტწილად მის ქმედებებზე რეაგირების და არა მის გამო- იხილეთ მისი დამამცირებელი ვარდნა2012 წელს. მისი პრეზიდენტობის დასაწყისი საკმარისი მემკვიდრეობა უნდა იყოს ყველაზე მეგალომანი მესიისთვისაც კი, მაგრამ ეს ასე არ არის და ის განაგრძობს მოქმედებას შემდეგი პრინციპით- „დაყავი და დაიპყარი“.

წლევანდელი არჩევნები მთელ მსოფლიოში გარკვეულწილად განისაზღვრება მარტივი კითხვით: როგორ გაუმკლავდა თქვენი მთავრობა პანდემიას? საქართველოს რესპუბლიკა პანდემიას სამაგალითოდ გაუმკლავდა. ციკლონი მიშას მხრიდან საქართველოს ამჟამინდელი მთავრობის მიმართ ბრალდება, ისევე როგორც მისი დაპირება ბათუმში ტრამპ თაუერის მშენებლობის შესახებ, მორიგი დაუფიქრებელი მტკიცება და დაპირებაა. როდესაც საქმე მიშას ეხება, როგორც რალფ ნადერმა Chevy Corvair–ის ავტომობილზე თქვა, „არცერთი სიჩქარით მოძრაობისას არ არის უსაფრთხო“, - წერს პოლ მ. ჯოიალი.