აშშ ალექსანდრე ლუკაშენკოს კანონიერად არჩეულ პრეზიდენტად არ მიიჩნევს. ამის შსახებ რუსულ საინფორმაციო სააგენტო „რია ნოვოსტის“ აშშ-ის სახელმწიფო დეპარტამენტში განუცხადეს.
„9 აგვისტოს გამართული საპრეზიდენტო არჩევნები არ იყო თავისუფალი და სამართლიანი. გამოცხადებული შედეგები გაყალბებული იყო და ლეგიტიმურობას არ ასახავდა. აშშ-ს არ შეუძლია ალექსანდრე ლუკაშენკო ქვეყნის კანონიერად არჩეულ ლიდერად მიიჩნიოს“, - განაცხადეს აშშ-ის სახელმწიფო დეპარტამენტში.
23 სექტემბერს მინსკში ალექსანდრ ლუკაშენკოს ინაუგურაციის ცერემონია გაიმართა, რომლის შესახებ მანამდე არაფერი იყო ცნობილი. ღონისძიებას ასობით ბელარუსი საჯარო მოხელე დაესწრო. ცერემონიის კადრები ადგილობრივ მედიაში მხოლოდ ღონისძიების დასრულების შემდეგ გავრცელდა. ბელარუსის ოპოზიციის ლიდერმა, სვეტლანა ტიხანოვსკაიმ კი თავი ბელარუსის ერთადერთ ლეგიტიმურ ლიდერად გამოაცხადა.
