გაეროს რიგით 75-ე გენერალურ ასამბლეაზე ვიდეომიმართვისას უკრაინის პრეზიდენტმა, ვოლოდიმირ ზელენსკიმ რუსეთი მსოფლიოს გავლენების სფეროებად დაყოფის მცდელობაში დაადანაშაულა.
„75 წლის წინ გაერო იმის სიმბოლოდ იქცა, რომ კაცობრიობამ მეორე მსოფლიო ომის ტრაგიკული გაკვეთილი ისწავლა. თუმცა, ყირიმის ოკუპაცია და დონბასში რუსეთის სამხედრო აგრესიამ ცხადყო, რომ ეს გაკვეთილი ნასწავლი არ არის. შეგახსენებთ, რომ ეს არის ომი არა მხოლოდ უკრაინაში, არამედ ევროპაშიც. ეს არ არის მხოლოდ დამოუკიდებელი სახელმწიფოს სუვერენიტეტის ხელყოფა. ეს მსოფლიოს გავლენების სფეროებად დაყოფის მცდელობაა“, - აღნიშნა უკრაინის პრეზიდენტმა.
