სამხრეთ ამერიკაში, ჩილეს დედაქალაქში, სანტიაგოს ქუჩებში, „ბეტმენის“ ფორმაში გამოწყობილი უცნობი, ახალგაზრდა კაცი უსახლკაროებს საკვებს ურიგებს, - ამის შესახებ Reuters-ი წერს.
ახალგაზრდა, ფორმასთან ერთად, უსაფრთხოებისთვის, პირბადესაც ატარებს და ყოველდღიურად, ადამიანებს ცხელი კერძის ულუფებს ურიგებს.
უცნობს „Reuters-ის“ ჟურნალისტი ესაუბრა, თუმცა მან ინკოგნიტოდ დარჩენა ისურვა.
„მიმოიხედე ირგვლივ და დაინახე, თუ შეგიძლია დაუთმო სხვას მცირედი დრო, გასცე მცირედი საკვები და თავშესაფარი ან უთხრა გამამხნევებელი სიტყვა მათ, ვისაც ეს სჭირდებათ“ - ამბობს ის.
ახალი კორონავირუსის პანდემია ჩილეს ეკონომიკისთვის დამანგრეველი აღმოჩნდა. ქვეყანაში უმუშევრობის მაჩვენებელი უკვე 12%-ს აჭარბებს.
