ინგრედიენტები
კვერცხი - 3 + 1 გული
კარაქი - 30 გ
შაქრის პუდრი - 2 ს.კ
შავი შოკოლადი - 200 გ
მზა ფენოვანი ცომი - 1 კგ
კაკაო - მოსაყრელად
მომზადების წესები
დატეხილი შოკოლადი ორთქლზე გაადნეთ კარაქთან ერთად. გადმოიღეთ ცეცხლიდან და 3 კვერცხის გული შეურიეთ.
ცილა ათქვიფეთ და ნელნელა შეურიეთ შაქარი. უნდა მიიღოთ მყარი ბეზე. ფრთხილად შეურიეთ შოკოლადის კრემს და მაცივარში შეინახეთ.
ცომი მსუბუქად გააბრტყელეთ და თანაბარი მართკუთხედები გამოჭერით. გადაუსვით ცოტა წყალთან შერეული კვერცხი. გამოაცხეთ 180 გრადუსზე 15-20 წუთი, სანამ აფუვდება და ოქროსფერს მიიღებს.
ნამცხვარი მირთმევის წინ უნდა ააწყოთ, რომ კრემმა ფირფიტები არ დაალბოს.
