ბრიტანეთის პრემიერმინისტრმა ბორის ჯონსონმა ესტონეთში ნატოს მისიაში მყოფ ბრიტანელ ჯარისკაცებს საშობაო სადილის დროს მოემსახურა. ჯონსონმა სამხედროებს პუდინგები დაურიგა.
ესტონეთის სამხედრო ბაზაზე ვიზიტისას ბორის ჯონსონმა ნატოსადმი და ალიანსის მიერ რუსეთთან ესტონეთის აღმოსავლეთ საზღვრის დაცვისადმი გაერთიანებული სამეფოს ერთგულებას მაღალი შეფასება მისცა.
„ჩემთვის დაუჯერებელია ესტონეთში ჩამოსვლა, რადგან ჯერ კიდევ ბავშვი ვიყავი, როდესაც ესტონეთი საბჭოთა კავშირის ნაწილი იყო და ახლა, ჩვენ ვეხმარებით მას უსაფრთხოების დაცვაში“, - განაცხადა ბორის ჯონსონმა.
