გერმანიის პოლიცია ეძებს დამნაშავეებს, რომლებმაც ნაცისტური გერმანიის პერიოდის ერთ-ერთი მაღალჩინოსნის რაინჰარდ ჰეიდრიხის საფლავი ამოთხარეს. ამის შესახებ ინფორმაციას Deutsche Welle ავრცელებს.
ჰეიდრიხი რაიხის უსაფრთხოების მთავარი ოფისის ხელმძღვანელი იყო შშ-ის ლიდერის ჰაინრიხ ჰიმლერის დროს. ოფისს გესტაპო და ნაცისტური უსაფრთხოების სამსახურები აკონტროლებდნენ.
ჰეიდრიხი ებრაელი ხალხის მიერ ნაცისტების გენოციდის ერთ-ერთი ავტორიც იყო. ჰიტლერი მას მოიხსენიებდა როგორც "კაცი რკინის გულით". მას ასევე ეძახდნენ "ყასაბს", "ჯალათს", "ჰიმლერის ეშმაკ გენიოსს".
1942 წლის მაისში ის ბრიტანეთის მიერ გაწვრთნილი ჩეხი და სლოვაკი სამხედროების ჯგუფის ოპერაციის დროს დაიჭრა და ივნისში ბერლინში გარდაიცვალა. ჰეიდრიხი ნაცისტების რეჟიმმა დიდი პატივით დაკრძალა.
მისი საფლავის გახსნის მოტივი უცნობია. მსგავსი შემთხვევა 2000-იან წლებშიც მოხდა, როდესაც ჰორსტ ვესელის საფლავი გახსნეს, მაშინ გამოძიების დროს ულტრამემარცხენე ექსტრემისტები გამოიკვეთნენ.
პოლიცია აცხადებს, რომ საფლავიდან არაფერია წაღებული.
