ინგრედიენტები

ქათმის ფილე - 200 გ

სპაგეტი - 300 გ

ბაზილიკი ან რეჰანი - 1 საშუალო კონა

ყველი პარმეზანი - 2 ს/კ

კედრის კაკალი - 2 ს/კ

ნიორი - 1 კბილი

ბერძნული იოგურტი - 100 გ

ზეითუნის ზეთი - 3 ს/კ

მარილი და პილპილი - გემოვნებით

კაიენური წიწაკა - გემოვნებით

ლიმონი - 1/2 ცალი

მომზადების წესები

მოხარშეთ სპაგეტი ადუღებულ მარილიან წყალში. დრო განსაზღვრეთ შეფუთვაზე მოცემული ინსტრუქციის მიხედვით. შემდეგ გადაწურეთ.

სანამ სპაგეტი იწურება, დააბლენდერეთ დაჭრილი ბაზილიკის ფოთლები, ნიორი, კედრის კაკალი, დაუმატეთ იოგურტი, პარმეზანი, 1 ს/კ ლიმონის წვენი, 2 ს/კ ზეითუნის ზეთი, მარილი და პილპილი. ყველაფერი კარგად აურიეთ.

ქათმის ფილეს მოაყარეთ მარილი და პილპილი, ასევე კაიენური წიწაკა. შეწვით ტაფაზე 1 ს/კ ზეითუნის ზეთში. 5-5 წუთი თითოეულ მხარეს. შემდეგ დაჭერით პატარა ნაჭრებად.

შეურიეთ სპაგეტის პესტოს სოუსი, გადაიტანეთ გაშლილ თეფშზე, ზემოდან დაალაგეთ ქათმის შემწვარი ნაჭრები. მორთეთ კერძი ლიმონის ნაჭრებით.