საავტომობილო გზების დეპარტამენტი პერიოდულად გზებზე მიმდინარე სამუშაოების ამსახველ ფოტომასალას გამოაქვეყნებს. როგორც "ინტერპრესნიუსს" დეპარტამენტიდან აცნობეს, ფოტომასალა "მიმდინარე სარეაბილიტაციო სამუშაოების" ალბომში განთავსდება.
საავტომობილო გზების დეპარტამენტის თავმჯდომარის ინიციატივით, საავტომობილო გზების რეაბილიტაციისა და მშენებლობის სამუშაოების უფრო აქტიური მონიტორინგის მიზნით, საზედამხედველო კომპანიებს დაეკისრათ ვალდებულება, პერიოდულად მოაწოდონ დეპარტამენტს მიმდინარე სამუშაოების შესახებ დეტალური ინფორმაცია და შესაბამისი ფოტომასალა.
ამ ეტაპზე საავტომობილო გზების რეაბილიტაციისა და საგზაო ინფრასტრუქტურის გაუმჯობესების სამუშაოები ქვეყნის მასშტაბით დაწყებულია იმ რეგიონებში, სადაც ამინდი სამუშაოების წარმოების საშუალებას იძლევა.
