საქართველოს პრემიერ-მინისტრის ბიძინა ივანიშვილის განცხადებით, პრეზიდენტი მიხეილ სააკაშვილი არ წავიდა პარლამენტში და სამაგიეროდ წავიდა ბიბლიოთეკაში.
ამის შესახებ პრემიერმა ჟურნალისტებს სამების საკათედრო ტაძარში დავით აღმაშენებლის დღესთან დაკავშირებით გამართული წირვის დასრულების შემდეგ განუცხადა.
"მიშა არ წავიდა პარლამენტში, სამაგიეროდ წავიდა ბიბლიოთეკაში, მაგრამ ის ბიბლიოთეკაში წასაკითხად არ მიდის. ჩვენმა პრეზიდენტმა მხოლოდ ლაპარაკი იცის. მიშა მსმენელი არ არის, ის არის მეტყველი და ეს არის უმრავლესობის გადაწყვეტილება და მე ამ გადაწყვეტილებას პატივს ვცემ", - განაცხადა ივანიშვილმა.
მისივე თქმით, საქართველო მოწინავე ევროპული ქვეყნების რიგში თავს აუცილებლად დაიმკვიდრებს.
