ქუთაისის მერიის წინ საკრებულოს თავმჯდომარე, ამირან ხვადაგიანს ვარსკვლავი "გაუხსნეს". აღნიშნული ფორმით "ქართული ოცნების" მხარდამჭერებმა
და არასამთავრობო ორგანიზაციათა ერთმა ნაწილმა ამირან ხვადაგიანის საკრებულოს თავმჯდომარეობა გააპროტესტა.
ვარსკვლავს აწერია "ამირან მუდმივი" და წითელი ვარდი ახატია. ვარსკვლავის დამადასტურებელი შესაბამისი დიპლომი კი ამირან ხვადაგიანს აქციის მონაწილეებმა კანცელარიის საშუალებით სამუშაო ოთახში ოფიციალურად შეუგზავნეს.
დაახლოებით ასეთივე შინაარსის აქცია ქუთაისში გუშინაც გაიმართა, როცა საკრებულოს თავმჯდომარის სახელობის სიმბოლური ქუჩა გახსნეს "ამირან მუდმივი #5".
