საქართველოს თავდაცვის სამინიტრო მინისტრის ორი ახალი მოადგილის თამარ ქაროსანიძისა და ზაზა ბროლაძის დანიშვნასთან დაკავშირებით, ოფიციალურ განცხადებას ავრცელებს.

თავდაცვის  სამინისტროს ინფორმაციით, თამარ ქაროსანიძე კურირებას გაუწევს განათლების სფეროს და საკადრო პოლიტიკას. ბოლო პერიოდში ის აღმოსავლეთ-დასავლეთის მართვის ინსტიტუტში „საჯარო პოლიტიკის, ადვოკატირებისა და სამოქალაქო საზოგადოების“ პროგრამის ხელმძღვანელის მოადგილე იყო. 12 წლის განმავლობაში სხვადასხვა არასამათავრობო ორგანიზაციაში მოღვაწეობდა. ფლობს საერთაშორისო სერთიფიკატებს დებატების, ადამიანის უფლებების, ინსტიტუციური ცვლილებებისა და ეკონომიკური ეფექტიანობის, საჯარო ადმინისტრირების, საერთაშორისო სამართლის და შეფარებითი პოლიტიკის სფეროებში.

თავდაცვის მინისტრის თქმით, პირველად ხდება, როდესაც ადამიანურ რესურსებს და განთლების სფეროს სამინისტროში ეყოლება ერთი კურატორი და ეს კიდევ ერთხელ ხაზს უსვამს იმას, თუ რამდენად მნიშვნელოვანია თითოეული კადრი. ეს კიდევ ერთი ნაბიჯია სამინისტროს საჯაროობისკენ.

 ზაზა ბროლაძე კურირებას გაუწევს თავდაცვის სამინისტროს შესყიდვების სფეროს. ბოლო პერიოდში იგი პოლიტიკის და მართვის კონსალტინგ ჯგუფში საჯარო სექტორის კონსალტინგის დირექტორი იყო. ის ბიუჯეტის ეფექტური დაგეგმვის და ტრანსფარენტული ხარჯვის საუკეთესო სპეციალისტია. წლების განმავლობაში მუშაობდა საერთაშორსო სავალუტო ფონში, ხელმძღვანელობდა სტატისტიკის დეპარტამენტს, იყო USAID-ის კონტრაქტორი - საბიუჯეტო ექსპერტი. გავლილი აქვს ტრეინინგები ეკონომიკის სხვადასხვა დარგში აშშ-ში, შვედეთსა და ავსტრიაში.

„ზაზა ბროლაძე კურატორობას გაუწევს შესყიდვების სისტემას. ეს უწყებაში არის ის სისტემა, რომელიც ყველაზე უფრო მეტ კითხვას ბადებს ჩვენს საზოგადოებაში. ასევე, მნიშვნელოვანია, რაც შეიძლება სწრაფად გაიწმინდოს და ყველა მოქალაქემ იცოდეს მის მიერ გაღებული ფული როგორ იხარჯება და რამდენად ხმარდება საქართველოს თავდაცვისუნარიანობას. თავდაცვის სამინისტროში აღარ იქნება ისეთი ფარული შესყიდვები, როგორიც აქამდე იყო“ - განაცხადა ირაკლი ალასანიამ მედია წარმომადგენლებისთვის გამართულ ბრიფიგზე.

საქართველოს სამხედრო უწყების ხელმძღვანელმა სამი მოადგილე 31 ოქტომბერს წარადგინა. თავდაცვის მინისტრის პირველი მოადგილის თანამდებობაზე ლევან დოლიძე დაინიშნა, რომელიც იმავდროულად თავდაცვის უწყების საპარლამენტო მდივნის ფუნქციასაც ასრულებს. თავდაცვის მინისტრის მოადგილეები ასევე არიან ალექსანდრე ბურჭულაძე და ირაკლი გეგეჭკორი. ალექსანდრე ბურჭულაძის ძირითადი მიმართულება თავდაცვის სამინისტროში საფინანსო დისციპლინის და კონტროლის დამყარებაა. ხოლო ირაკლი გეგეჭკორი თავდაცვითი უსაფრთხოების საკითხებს უწევს კოორდინირებას.