საგარეო საქმეთა მინისტრი, მაია ფანჯიკიძე სამინისტროში 12:00 საათისთვის აპირებს მისვლას. ამის შესახებ ფანჯიკიძემ From.ge-ს განუცხადა.
მისი თქმით, ის თავის საქმიანობას მინისტრობის პოსტზე დღეიდან შეუდგება. ამასთან ფანჯიკიძე აცხადებს, რომ პირველი, რასაც სამინისტროში მისვლის შემდეგ გააკეთებს, თანამშრომლებთან შეხვედრა იქნება.
„სამინისტროში 12:00 საათზე ვაპირებ მისვლას. პირველი კი, რასაც მისვლის შემდეგ გავაკეთებ, თანამშრომლებთან შეხვედრა იქნება“, - აღნიშნა მან.
მინისტრთა ახალი კაბინეტი პარლამენტმა გუშინ დაამტკიცა. ახალი მინისტრების უმეტესობა მუშაობას დღეიდან შეუდგება.
