მესტიის მუნიციპალიტეტის ადგილობრივი თვითმმართველობის ორგანოების საჯარო მოსამსახურეებს ხელფასები გაეზარდათ.

საკანონმდებლო მაცნეს ინფორმაციით, "ადგილობრივი თვითმმართველობის შესახებ" საქართველოს ორგანული კანონის, "ნორმატიული აქტების შესახებ" საქართველოს კანონის მე-20 მუხლისა და "ავტონომიური რესპუბლიკების ხელისუფლებისა და ადგილობრივი თვითმმართველობის ორგანოების საჯარო მოსამსახურეთა შრომის ანაზღაურების მოწესრიგების თაობაზე" საქართველოს პრეზიდენტის 2005  წლის 29 აგვისტოს №–726 ბრძანებულებაში ცვლილების შეტანის შესახებ", საქართველოს პრეზიდენტის 2012 წლის 12 ოქტომბრის №–945 ბრძანებულების შესაბამისად, პირველი მუხლის თანახმად, "მესტიის მუნიციპალიტეტის ადგილობრივი თვითმმართველობის ორგანოების    საჯარო მოსამსახურეთა თანამდებობრივი სარგოების დამტკიცების შესახებ" მესტიის მუნიციპალიტეტის საკრებულოს 2009 წლის 27 თებერვლის №-8 დადგენილებაში შეტანილ იქნეს  ცვლილება.

დადგენილებას ხელს მესტიის მუნიციპალიტეტის თავმჯდომარე გოჩა გვარლიანი აწერს და ის 2012 წლის 12 ოქტომბრიდან ამოქმედდა.

ცვლილების თანახმად, მესტიის საკრებულოს თავმჯდომარის ხელფასი 2650 ლარს შეადგენს, გამგებლის – 2650 ლარი, საკრებულოს თავმჯდომარის მოადგილე – 1900, გამგებლის მოადგილე – 1500,  საკრებულოს კომისიის თავმჯდომარე _ 1050, საკრებულოს ფრაქციის თავმჯდომარე – 1050, საკრებულოს აპარატის უფროსი – 1290, გამგეობის აპარატის უფროსი -  1250, გამგეობის სამსახურის უფროსი – 1250 ლარი და ა.შ.