გავრცელებული ინფორმაციით, ეკონომიკის მინისტრის პოსტზე შესაძლოა ლაშა ჟვანია დაინიშნოს.
ცნობისთვის, ჟვანია ეკონომიკური განვითარების მინისტრად 2008 წლის ბოლოს დაინიშნა. 2009 წლის 21 აგვისტოს კი, პრემიერ-მინისტრ ნიკა გილაურის გადაწყვეტილებით თანამდებობა დატოვა „არადამაკმაყოფილებელი და არაკოორდინირებული მუშაობის“ გამო.
ამჟამად, ლაშა ჟვანია პატრიარქის საერთაშორისო საქველმოქმედო ფონდის გენერალურ მენეჯერად მუშაობს.
ასევე გავრცელებული ინფორმაციით, ეკონომიკის მინისტრის პოსტზე ერთ-ერთ კანდიდატურად ეროვნული ბანკის ყოფილი ხელმძღვანელი ირაკლი მანაგაძეც სახელდება, თუმცა არსებული ინფორმაციით, მან „ქართული კოალიციის“ მთავრობაში შესაძლოა ფინანსთა მინისტრის პოსტი ჩაიბაროს.
