კოალიცია „ქართული ოცნების“ ლიდერების კონსულტაციები მთავრობის ფორმირებასთან დაკავშირებით, დღეს 20:00 საათიდან განახლდება. ამის შესახებ ჟურნალისტებს „ქართული ოცნების" ერთ-ერთმა ლიდერმა გოგი თოფაძემ განუცხადა, რომელმაც ბიძინა ივანიშვილის ბიზნესცენტრი რამოდენიმე წუთის წინ დატოვა.
ამ დრომდე თოფაძის გარდა ბიზნესცენტრი არც ერთ ლიდერს არ დაუტოვებია.
კონსულტაციებისთვის ბიზნესცენტრში იმყოფებიან: დავით უსუფაშვილი, სოზარ სუბარი, ირაკლი ალასანია, ვახტანგ ხმალაძე, ნოდარ ხადური, კახი კალაძე, ნოდარ ჯავახიშვილი, კახა შარტავა, მაია ფანჯიკიძე, თეა წულუკიანი, ზვიად ძიძიგური და დავით საგანელიძე.
