ცენტრალურმა საარჩევნო კომისიამ პოლიტიკური სუბიექტებისა და სადამკვირვებლო ორგანიზაციების მიერ, კომისიაში შეტანილი საჩივრების ნაწილის განხილვა დაასრულა. შედეგად,  „ერთიანი ნაციონალური მოძრაობა-მეტი სარგებელი ხალხს“ თეთრიწყაროს მაჟორიტარი დეპუტატობის კანდიდატის დავით ბეჟუაშვილისა და №26 თეთრიწყაროს საოლქო საარჩევნო კომისიაში ამავე პარტიის წარმომადგენლის თამარ დალაქიშვილის საჩივრები და ბათილად იქნა ცნობილი №26 თეთრიწყაროს საოლქო საარჩევნო კომისიის განკარგულება „№31 საუბნო საარჩევნო კომისიის შემაჯამებელი ოქმის ბათილად ცნობის შესახებ“,  ასევე  დადგინდა, რომ ცენტრალურმა საარჩევნო კომისიამ უნდა გახსნას და ხელახლა გადაითვალოს №26 თეთრიწყაროს საოლქო საარჩევნო კომისიიდან შემოსული №31 საარჩევნო უბნის ბიულეტენები.

ამასთან, ცენტრალურმა საარჩევნო კომისიამ სხვა სახელმწიფოში შექმნილი №35(უკრაინის რესპუბლიკა, ქ. კიევი) საარჩევნო უბანში კენჭისყრის შედეგები ბათილად ცნო. ამასთან, დაკმაყოფილდა ცესკოში შემოსული ადგილობრივი სადამკვირვებლო   ორგანიზაციის „სამართლიანი არჩევნებისა და დემოკრატიის საერთაშორისო საზოგადოების“ საჩივარი,  სხვა სახელმწიფოში შექმნილი №35 (უკრაინის რესპუბლიკა, ქ. კიევი) საარჩევნო უბნის კენჭისყრის შედეგების ბათილად ცნობის შესახებ.