ცენტრალური საარჩევნო კომისიის ინფორმაციით, 3691 ძირითადი და 70 სპეცუბნის წინასწარი შედეგებით, ამომრჩეველთა 54,88% „ქართულ ოცნებას“ უჭერს მხარს, 40,39% კი, „ნაციონალურ მოძრაობას“.
სხვა საარჩევნო სუბიექტებს შორის პროცენტული მაჩვენებელი ასე გადანაწილდა: „გიორგი თარგამაძე – ქრისტიან-დემოკრატიულ გაერთიანებას“ - 2,04%, ხოლო „შალვა ნათელაშვილი - ლეიბორისტულ პარტიას“ - 1,24%.
ყველა სხვა დანარჩენი საარჩევნო სუბიექტის შედეგი 1%-ზე დაბალია.
ცესკო-ს ვებგვერდზე განთავსებული ინფორმაციის მიხედვით, ამ ეტაპზე დათვლილია ხმათა 99,87%.
საქართველოს მასშტაბით სულ 3766 საარჩევნო უბანია.
რაც შეეხება მაჟორიტარული წესით არჩევნებს, ამ დროისთვის არსებული მონაცემებით, „ქართულ ოცნებას“ 39 მაჟორიტარული მანდატი შეხვდება, ხოლო „ნაციონალურ მოძრაობას“ - 34.
