"ახალი მემარჯვენეების“ ზუგდიდის მაჟორიტარი დეპუტატობის კანდიდატის, მანანა ნაჭყებიას განცხადებით, ეგზიტპოლების მიერ წარმოდგენილი შედეგბი იმაზეე მიუთითებს, რომ საქართველოში არჩევნები რეალურად შედგა.

როგორც ნაჭყებიამ From.ge-სთან საუბარში განაცხადა, „საზოგადოებრივი მაუწყებლის“ ეგზიტპოლების მიერ წარმოდგენილ შედეგებში, როგორც „ნაციონალურმა მოძრაობამ“, ასევე „ქართულმა ოცნებამ“ 33% აიღო, ხოლო 30%-მა შეკითხვაზე პასუხი საერთოდ არ გასცა. ამიტომ მისი აზრით, მნიშვნელოვანია თუ როგორ გადანაწილდება ეს 30% სხვადასხვა პოლიტიკურ პარტიაზე.

„რომელმა პოლიტიკურმა ძალამ რეალურად რამდენი პროცენტი აიღო ამას ფაქტიურად ბიულეტენების დათვლის დასრულების შემდეგ გავიგებთ. თუმცა ერთმნიშვნელოვნად ცხადია, რომ „ნაციონალური მოძრაობის“ ერთპიროვნული მმართველობის ეპოქა დასრულდა, რაც ყველაზე მნიშვნელოვანია“, - განაცხადა ნაჭყებიამ.

რაც შეეხება „ახალი მემარჯვენეების“ შანსებს, გადალახოს 5%-იანი ბარიერი, ნაჭყებია განმარტავს, რომ ეს სწორედ აღნიშნულ 30%-ის ხმებზეა დამოკიდებული.

„შესაძლებებლია ეს ხმები ისე გადანაწილდეს, რომ ბარიერიც გადავლახოთ და პარლამენტშიც შევიდეთ. მაგრამ უფრო მნიშვნელოვანი მაინც ის რჩება, რომ ამ პარლამენტში ერთპარტიული მმართველობა აღარ იქნება“, - დასძინა მან.