ტელეკომპანია „მაესტროს" დაკვეთით ამერიკული კომპანია "პენ შონ ბერლანდის" მიერ ჩატარებული ეგზიტპოლების წინასწარი შედეგების თანახმად, „ქართულ ოცნებას" მხარი 63%-მა დაუჭირა, „ერთიან ნაციონალურ მოძრაობას" კი - 27%-მა.
რაც შეეხება „ქრისტიან-დემოკრატებს" მხარი – 1%-მა, სხვა პოლიტიკურ სუბიექტებს კი 3%-მა დაუჭირა. 6%-მა შეკითხვას არ უპასუხა.
გარდა ამისა, თბილისის მასშტაბით, პროპორციული სიით, „ქართულ ოცნებას" მხარი 75%-მა დაუჭირა, "ერთიან ნაციონალურ მოძრაობას" კი - 18%-მა.
რაც შეეხება "ქრისტიან-დემოკრატებს", მათ აქაც – 1% უჭერს მხარს, სხვა პოლიტიკურ სუბიექტებს კი 2%-დან 3%-მდე.
ამომრჩეველთა 4%-მა ეგზიტპოლებში მონაწილეობაზე უარი თქვა.
"მონიტორინგის" 55-ზე მეტმა ინტერვიუერმა ამომრჩეველი 73-ვე ოლქის 259 უბანზე გამოკითხა.
